وزیراعظم کے معاون خصوصی برائے سیاسی روابط کا کہنا ہے کہ ارطغرل غازی ڈرامہ خریدا نہیں گیا بلکہ ترکی کی طرف سے تحفہ ہے۔
سماجی رابطوں کی ویب سائٹ ٹوئٹر پر اداکارہ ثانیہ سعید کے ارطغرل کے حوالے سے بیان پر ردعمل دیتے ہوئے کہا کہ ”ثانیہ جی ارطغرل ڈرامہ خریدا نہیں ہے بلکہ برادر ملک ترکی کی جانب سے پاکستان کیلئے تحفہ ہے، بات کرنے سے پہلے تحقیق ضروری ہے۔
انہوں نے کہا کہ آرٹ اور کلچر کے لوگوں کے دل کھلے ہونے چاہئیں، یہاں بھارت مواد کی بہتات تھی، شکر ہے بہتر مواد آیا، آپ ہی پہلے کی طرح پھر اچھا کام کریں، انشاءااللہ وہ بھی آن ایئر ہوگا۔
ثانیہ جی پی ٹی وی نے اسے خریدا نہیں۔ برادر ملک ترکی کی طرف سے یہ تحفہ پاکستان کے لئیے۔آپ بھی پہلے کی طرح پھر اچھا کام کریں انشاللہ وہ بھی ائیر ہوگا۔بات کرنے سے پہلے تحقیق ضروری ہے۔ آرٹ اور کلچر کے لوگوں کے دل کھلے ہونے چاہئیے۔ یہاں بھارت کہ مواد کی بہتات تھی شکر ہے بہتر مواد آیا pic.twitter.com/lC5sjPuoUN
— Dr. Shahbaz GiLL (@SHABAZGIL) May 27, 2020
واضح رہے کہ قبل ازیں ایک انٹرویو میں ثانیہ سعید نے کہا تھا ارطغرل ڈرامے کی خریداری پر خرچ ہونے والی رقم یہ ڈرامہ نہ خریدے جانے کی صورت میں کس منصوبے پر خرچ کی جانا تھی۔ کیا ایسا کوئی منصوبہ تھا یا یہ کام بغیر کسی منصوبے کے کیا گیا۔
