اسلام آباد: وفاقی وزیر سائنس اینڈ ٹیکنالوجی فواد چوہدری نے چاند کی تصویر شیئر کرتے ہوئے لکھا کہ کیا یہ پہلی کا چاند ہے۔
سماجی رابطوں کی ویب سائٹ ٹوئٹر پر فواد چوہدری نےتصویر شیئرکرتے ہوئے لکھا کہ کیا پہلی کا چاند سورج کے غروب ہونے کے بعد اتنی دیر تک سر آسماں رہتا ہے؟ عوام خود فیصلہ کر لیں، کون صحیح ہے۔
کیا یہ پہلی کا چاند ہے؟ کیا سورج کے غروب ہونے کے بعد اتنی دیر چاند سر آسماں رہتا ہے؟ عوام خود فیصلہ کر لیں۔۔۔ pic.twitter.com/ArmADAdVoi
— Ch Fawad Hussain (@fawadchaudhry) July 22, 2020
خیال رہے کہ وزیر سائنس اینڈ ٹیکنالوجی نے کہا تھا کہ یکم ذوالحج 22 جولائی کو ہوگی جبکہ عیدالضحیٰ 31 جولائی کو منائی جائے گی۔
واضح رہے کہ گزشتہ روز کراچی میں مفتی منیب الرحمن کی زیر صدارت کراچی میں رویت ہلال کمیٹی کا اجلاس ہوا تھا ، جس کے بعد مفتی منیب الرحمن نے ذوالحجہ کا چاند نظر نہ آنے کا اعلان کرتے ہوئے کہا تھا کہ یکم ذوالحج 23 جولائی بروز جمعرات کو ہوگی جبکہ عیدالضحیٰ یکم اگست کو منائی جائے گی۔
مفتی منیب کے چاند نظر نہ آنے کےاعلان پر فواد چوہدری نے ردعمل دیتے ہوئے کہا تھا کہ ذوالحج کے چاند کی پیدائش ہوچکی ہے مگر رویت ہلال کمیٹی والے کہتے ہیں بادلوں کی وجہ سے چاند نظر نہیں آیا، جب بادل ہوں گے تو چاند کیسے نظر آئے گا۔
ان کا کہناتھا کہ علماء کرام پہلے یہ طے کرلیں کے ٹیکنالوجی حلال ہے یا حرام، اگر نمازگھڑی کے حساب سے ہوسکتی ہے تو چاند ٹیکنالوجی سے کیوں نہیں دیکھا جاسکتا؟۔
فواد چوہدری کسی بھی پارٹی میں هو اور کوئی بھی حکومت هو نا معلوم لوگوں کے اشارے پر ہمیشہ اسلامی روسوم رواج کو نشانہ بناتا ہے